أسئلة عرابجه

[الخزامى]

احم احم سلخيرررر جميعا يالله تحيي من فحط من عند رسالتي ومااقول الا عساكم على القوة جميع ..
وهذا الله يسلمكم ...
اسئلة العرابجه بالأمتحانات في
مدرسة ماوراك الا الدجه..لتسنيع الصايعين..والعرابجه..
وزارة الثقافة والتعلوم..تحت رعاية خذ فنجال لايجيك طراق..

اسمك واسم وابوك ولايكثر :
اسم اللي جنبك الا كانك جنب جدار :
رقم بيجر ابوك :

إختـــــــــــــبار مادة النحو00

اقر الأسئلة اللي تبي تجيك هالحين لا الفعك بعسيب النخلة..وجاوب عليهن..كلهن..:

السعال الأول .. سوف تنسدح امامك قطعة..اقرأها..وانت مركز لأننا بنلعب عليكم..وتبي تنسدح عقبها اسئلة مهيب صاحية..

القطعة :
قام ابوداحم من فراشه متحمسا..واسرع بالروحه للحمام..
لأنه كان حسرانا جدا..دق عليه ابوسعدون..
كي يروحون جميع للمدرسة..
وابدى ابوداحم موافقته للفكرة..وانطق ابوداحم بالحوش
ينتظر قدوم ابوسعدون..والذي يبدو انه سوف يعطي ابوداحم ركبه
ليست صاحيه البته.. قفلت مع ابوداحم وجلعد الى المدرسة مسرعا..وهو معصب ناوي يلعن خامس ابوسعدون..
فدخل الفصل..وطب ببطن ابوسعدون..
الى ان جاء المدرس جلمود وصفق الأثنين تصفيقا مبرحا..

سعال الف : ماذا فعل ابوداحم بالحمام ? (( سؤال محرج موصح ?))
سعال باع : استخرج من القطعة ..حرف جر مع اللي هو جاره..
سعال جيم : أعرب..اللي تحته شخط..

السعال الثاني ..

حط الكلمات اللي تبي تجي..في جملة زينه..ت
ستبعط ...تحط جمل مالها داعي اتوطى ببطنك..
- جنط - صندوق - جوال
- اكتب خمس جمل زينه تحتوي على فعل أمر..

السعال الثالث .. اعرب الجمل التالية ..

- توطى الأستاد ببطن الطالب..
- فلق صويلح ابوجلمبو بخشبة..
- هذولا الطفارى رايحين فيها لامحالة..

[النبراس]

أخي الخزامى

وش فيكم انت وبرنس على الاختبارات ومصائبها ( شكلكم متعقدين شوي :p :p )
هاك اجابات عن الاسئلة على ما أٌسم (بالمصري ) :

قرينا القطعة بعد تقطعت ظهرنا من العسيب الله لو اقدر واتوطى من حطها من اسعلة ( جاتني سعلة منها ):
الجواب الأولاني:
1- أما ايش اللي سواه بو داحم بالحمام وايش لأهلنا صلاح فيه حريقة تصيبه والسخّان في ساعة واحدة .
2- حروف الجر عٌد واغلط لكن العفاريت ولا واحد راضي يعترف انه هو اللي جر اللي قبله ( بسنتعين بالمباحث عليهم .... ابوي عريف بشرطة الحرم عندي واسطة ;) )
3- ما لقيت ولا شخط علشان اعرب اللي فوقه ( الظاهر ماهناك حبر تصوير زين يبين الشخوط ) باترك للمصحح تقدير درجة الإجابة واذا رسبت باشاكيكم بالادارة . ( فاضي وياحب الإدارة للشكاوي :cool: )
الجواب الثاني :
1- الجوال جنب الجنط في صندوق الددسن ( جملة واحدة القلم بينشف )
2- قم بس قم بس قم ( خمسة في واحد بيرت بلس ماهو باحسن مني)
الجواب الاخراني :
الإعراب
1- توطى الأستاد ببطن الطالب.. ( عمرها ما صارت اللي معرووووف العكس ولما تصبح حقيقة نعربها ).
2- فلق صويلح ابوجلمبو بخشبة..
فلق فعل يكسر الرأس نصين مشدود بالساطور ( واسألوا اهل رؤس المندي )
صويلح تصغير صالح بعد ما انفلق رأسه مربوط بشاش منتهية صلاحيته من المركز الصحي.
ابو مضاف في بطاقة أحوال كل المتزوجين وعندهم اولاد وبنات
جلم اسم القلم بعد تطويره مبدل الجاف بالقيم
بو حرف تفجيع للعيال الصغار عشان ينامون بدري والا عشان نضحك من خوفهم
الخشبة ( حدد ياسيد هي مربوعة والا طفشة علشان نعرف نعرب )
3- هذولا الطفارى رايحين فيها لامحالة..
هذولا ( يأأشر علينا ) مبتدأ مكتف بالحبل ومسند للجدار اجباري
الطفارى نحن المصائب اللي طست بروؤسنا من الصحاف
رايحين والا جايين وايش تفرق
فيها ( تعبت وانا افكر في اعرابها اتركها بدون احسن )
لا حرف يرفس اللي بعده علشان ما يلتصق فيه لا مكان له القطعة
محالة : محا فعل مسح السبورة والفاعل طالب كسلان كل يوم يمسح
لة : أدة إشارة نأشر بها على اللي نبي نوديه في داهية وقت المصائب





اكيد ناجح و30 من 30:p

[العميل007]

أعصابكم ياشباب على النبراس
مرة ثانية حلو الأجوبة مع الأسئلة


ترى الكاز خلص عنده وهو يحل الأسئلة

وعلى فكرة يالنسبة للجار والمجرور فالظاهر إني حليتها

أبو داحم اتوطى ببطن أبو سعدون وجرهم جلمود بالتصفيق

أما إعرابك ياستاد نبراس يشع منه نوووووووووووووووووور قوي :cool:

[Prince]

الخزامي :

ترى العالم ماهي خالصة من التفكير في الاختبارات اليومين دول

وإنت تجي وتحطلهم اختبار في المنتدى .... يعني هي ناقصة;)







النبراس : ماشاء الله عليك والله انك طالب مثالي ومجتهد

وبعدين انت مو ناجح وبس ... لا إنت ناجح بتفوق .


أكيد مدرسة ماوراك الا الدجه..لتسنيع الصايعين..والعرابجه..

مبسوطة منك وتتمنى كل طلابها يكونو مثلك .






والله اننا انبسطنا من الموضوع بجميع ما يحتويه من ردود .

تحياتي للجميع

[النبراس]

دعوة عامة


جميع الإخوان زوار الصفحة بمناسبة نجاحي وإعطائي الشهادة من الأستاذ الفاضل مدير المنتدي / البرنس

يسرني أن أدعوكم لحفلة الشاي التي يٌقيمها لي السيد الفاضل برنس بمناسبة تخرجي ( اول الدفعة ) ( أحمد ربك برنس قلنا شاي بس مو دسم ) :p

وسيرسل للجميع المدير الفاضل عنوان الدعوة عبر الرسائل الخاصة ( أكيد في الدٌرة ):mad:



شاكرا للجميع مٌقدما تلبية الدعوة Cry:

[Prince]

انت تستاهل أكثر



وايش الدرة اللي تبغاني اعزمك فيها

ترى قاعة القمة قليلة عليك .









على فكرة إنت الظاهر حتورطني ...مدير المنتدى مرة وحدة

تبغى المشرف العام يزعل علي ويطردني....... :(

تصدق يمكن هدا هو مناك عشان يخلالك الجو :) :p :D