النبراس
08-02-2003, 05:22 AM
يازمااااااان الطقاقات
زمان كانت الطقاقات يدورون على المناسبات اللي ممكن يحيونها والحين المناسبات تلف الدنيا تدور على الطقاقات لا وبعد ازيدكم من الشعر بيت ناس يحددون مناسباتهم حسب جدول الطقاقه المشهوره مايبون غيرها (يالله المعافي) وصارت الطقاقه تحس ان
الوضع بدونها فاشل جدا وعشان توافق تحيي مناسبة
زواج تكتب قائمه طويله عريضه من الطلبات واذا وافق عليها الطرف الثاني تقوم الرئيسه بعرضه على مجلس ادارة الطقاقات لدراسة الامر والموافقه عليه
وبعد الموافقة تضربهم الطقاقه رئيسة الفرقه خمسين الف ريال((وولد أبوه يعترض).....
وش رايكم نستعرض شروط الطقاقات ؟!
تقول الطقاقه المبجله من ضمن الشروط لابد من دفع عربون قبل البت في الامر وبعدين الى جينا لمقر الحفل نبي ناس كشخه تستقبلنا وناس ماهيب كشخه تشيل طبولنا وسماعاتنا وناس متوسطين الكشخه يأخذون عباياتنا .
....وبعدين
اذا قعدنا على المنصه بيجينا العصير ((فرش)) ولانبي بزر من البزارين (يعني ولد والا بنت ) يطب على المنصه وإلا لاتلومون الا انفسكم لان معنا وحدة معها خيزرانه مربصينة بالبركة شهر متخصصه بجلد البزران الشياطين .
...وبعدين
اذا بدينا نطق مانبي الحريم المهبل يتجمهرون فوق روؤسنا ونمووووووووت من الحر
وبعدين ما نبي كلن يطلب اغنيه على كيفه حنا نبي نغني حسب الكتلوج الي معنا بالترتيب وحظ ونصيب كل وحدة تسمع اغنيتها المفضله
ولا تطب وتناقز عليها لين تقول العيد باكر ....وياليت لو سمحتو اللي ترقص مرة ماتعيدها عشان الواحد مايمل من تكرار الوجيه الا اذا عجبنا رقص وحدة حنا نطلبها بشكل خاص.......
واذا جا وقت العشا تقلطوننا مع اهل المعرس على البوفيه موهب مثل بعض الطقاقات ......قصدي الفنانات يحطونهم اهل المعرس بعد الناس مع المبزرة
وتعالوا شوفوا أنواع الهوشات ...الطقاقه تلحق البزر بالنعله ((اعزكم الله)) والبزر ياقف من بعيد ويعيرها( يعايب عليها يعني )0
واذا خلصنا العشا تجينا القهوه والشاهي والنعناع الزين في المنصه ولاحنا بطاقين لين نكيف روسنا 0
وبعد موافقة اهل العروس على هالشروط التعجيزيه
يجن الطقاقات على ذاك الجمس الملكي اللي كنة طيارة من فخامته ((والله اني ودي استقيل واشتغل طقاقه))المهم ينادي البواب بالمكرفون
على ام العروس لأنها منبهة عليه يعلمها اذا وصلن الطقاقات عشان تقوم بالواجب
(( وتعالو عاد اذا وصلن الطقاقات مع اهل المعرس تحتار المسكينه الام من تستقبل))
المهم تركض الام للبوابه ومعها المبخرة وتهلي وترحب بالفرقه والطقاقات
لو تشمون ريحتهن ((تجيب الغادي )) ماعلينا ((مالنا غنا عنهم)) وأخذت عباياتهن وجابت العصير ((الفرش))
تبون تعرفون وش صار بعدها
اقولكم
مصرين تعرفون
اقول
ولا خلوها بعدين
زمان كانت الطقاقات يدورون على المناسبات اللي ممكن يحيونها والحين المناسبات تلف الدنيا تدور على الطقاقات لا وبعد ازيدكم من الشعر بيت ناس يحددون مناسباتهم حسب جدول الطقاقه المشهوره مايبون غيرها (يالله المعافي) وصارت الطقاقه تحس ان
الوضع بدونها فاشل جدا وعشان توافق تحيي مناسبة
زواج تكتب قائمه طويله عريضه من الطلبات واذا وافق عليها الطرف الثاني تقوم الرئيسه بعرضه على مجلس ادارة الطقاقات لدراسة الامر والموافقه عليه
وبعد الموافقة تضربهم الطقاقه رئيسة الفرقه خمسين الف ريال((وولد أبوه يعترض).....
وش رايكم نستعرض شروط الطقاقات ؟!
تقول الطقاقه المبجله من ضمن الشروط لابد من دفع عربون قبل البت في الامر وبعدين الى جينا لمقر الحفل نبي ناس كشخه تستقبلنا وناس ماهيب كشخه تشيل طبولنا وسماعاتنا وناس متوسطين الكشخه يأخذون عباياتنا .
....وبعدين
اذا قعدنا على المنصه بيجينا العصير ((فرش)) ولانبي بزر من البزارين (يعني ولد والا بنت ) يطب على المنصه وإلا لاتلومون الا انفسكم لان معنا وحدة معها خيزرانه مربصينة بالبركة شهر متخصصه بجلد البزران الشياطين .
...وبعدين
اذا بدينا نطق مانبي الحريم المهبل يتجمهرون فوق روؤسنا ونمووووووووت من الحر
وبعدين ما نبي كلن يطلب اغنيه على كيفه حنا نبي نغني حسب الكتلوج الي معنا بالترتيب وحظ ونصيب كل وحدة تسمع اغنيتها المفضله
ولا تطب وتناقز عليها لين تقول العيد باكر ....وياليت لو سمحتو اللي ترقص مرة ماتعيدها عشان الواحد مايمل من تكرار الوجيه الا اذا عجبنا رقص وحدة حنا نطلبها بشكل خاص.......
واذا جا وقت العشا تقلطوننا مع اهل المعرس على البوفيه موهب مثل بعض الطقاقات ......قصدي الفنانات يحطونهم اهل المعرس بعد الناس مع المبزرة
وتعالوا شوفوا أنواع الهوشات ...الطقاقه تلحق البزر بالنعله ((اعزكم الله)) والبزر ياقف من بعيد ويعيرها( يعايب عليها يعني )0
واذا خلصنا العشا تجينا القهوه والشاهي والنعناع الزين في المنصه ولاحنا بطاقين لين نكيف روسنا 0
وبعد موافقة اهل العروس على هالشروط التعجيزيه
يجن الطقاقات على ذاك الجمس الملكي اللي كنة طيارة من فخامته ((والله اني ودي استقيل واشتغل طقاقه))المهم ينادي البواب بالمكرفون
على ام العروس لأنها منبهة عليه يعلمها اذا وصلن الطقاقات عشان تقوم بالواجب
(( وتعالو عاد اذا وصلن الطقاقات مع اهل المعرس تحتار المسكينه الام من تستقبل))
المهم تركض الام للبوابه ومعها المبخرة وتهلي وترحب بالفرقه والطقاقات
لو تشمون ريحتهن ((تجيب الغادي )) ماعلينا ((مالنا غنا عنهم)) وأخذت عباياتهن وجابت العصير ((الفرش))
تبون تعرفون وش صار بعدها
اقولكم
مصرين تعرفون
اقول
ولا خلوها بعدين